Karachi crime report today – naye inkishaaf
کراچی (اسٹاف رپورٹر) 8 جولائی 2026
شہرِ قائد میں بھتہ خوری کا ایک اور انتہائی تشویش ناک واقعہ سامنے آیا ہے، جہاں سولجر بازار پولیس نے کپڑے کے ایک ہندو تاجر سے واٹس ایپ کے ذریعے 50 لاکھ روپے بھتہ طلب کرنے اور رقم نہ دینے پر بچوں سمیت جان سے مارنے کی سنگین دھمکیاں دینے کا مقدمہ درج کر لیا ہے۔ یہ مقدمہ گارڈن ایسٹ کے رہائشی تاجر روشن مل کی مدعیت میں تعزیراتِ پاکستان کی مختلف دفعات کے تحت درج کیا گیا ہے۔
مدعیِ مقدمہ نے پولیس کو بتایا کہ ان کے بیٹے دیپک کمار کی میمن مسجد کے قریب کپڑے کی دکان ہے۔ ملزمان نے پہلے گاڑی خریدنے کے بہانے رابطہ کیا اور پھر 3 جولائی کی رات واٹس ایپ کال کے ذریعے 50 لاکھ روپے کا بھتہ مانگ لیا۔ ملزم نے تاجر کو خوفزدہ کرنے کے لیے ان کے بچوں کے روزمرہ کے معمولات، دکان اور سفید رنگ کی گاڑی تک کی تمام تفصیلات بتائیں اور دھمکی دی کہ اگر رقم نہ ملی تو دونوں بیٹوں کو نشانہ بنایا جائے گا۔ اس سنگین دھمکی کے بعد تاجر برادری اور اہلخانہ میں شدید خوف و ہراس پھیل گیا۔ سولجر بازار پولیس نے مقدمہ درج کرنے کے بعد کیس کی ہائی پروفائل تفتیش اسپیشل انویسٹی گیشن یونٹ (SIU) کے حوالے کر دی ہے۔
