سبکدوش ہونے والے عہدیداران کو الوداع؛ صدف عاصم عباسی نئی صدر، شہباز مسیح سیکریٹری منتخب؛ ڈاکٹر حسن سروش کا نئی ٹیم کے لیے نیک خواہشات کا اظہار اور احسن بختاوری کا کمیونٹی فلاح کے لیے عزم
اسلام آباد ، کراچی (علیم نواب خان سے)
وفاقی دارالحکومت اسلام آباد میں انسانیت کی خدمت اور فلاحی سرگرمیوں میں ہمیشہ پیش پیش رہنے والے مقتدر ادارے “اسلام آباد ڈی واٹسن لائنز کلب” کی جنرل باڈی کا ایک پُر وقار اور تاریخی اجلاس گزشتہ روز منعقد ہوا۔ اجلاس میں کلب کے سبکدوش ہونے والے عہدیداران کی گراں قدر خدمات کو سراہتے ہوئے انہیں الوداع کیا گیا، جبکہ سالِ نو کے لیے منتخب ہونے والی نئی باصلاحیت قیادت اور نئے ممبران کا والہانہ خیر مقدم کیا گیا۔ تقریب میں مقتدر سماجی، کاروباری اور فلاحی شخصیات نے شرکت کر کے خدمتِ خلق کے اس کاروان کو آگے بڑھانے کے عزم کا اعادہ کیا۔
چارٹرڈ پریزیڈنٹ لائن احسن بختاوری: عزمِ نو اور بے لوث خدمت کا روشن استعارہ
تقریب کے دوران اسلام آباد ڈی واٹسن لائنز کلب کے چارٹرڈ پریزیڈنٹ، ڈائریکٹر اور نو منتخب ٹریژرر لائن احسن بختاوری کی فلاحی اور سماجی خدمات کو تمام شرکاء نے کھڑے ہو کر زبردست الفاظ میں خراجِ تحسین پیش کیا۔ مقررین کا کہنا تھا کہ احسن بختاوری کی شخصیت اسلام آباد میں بے لوث خدمت، سماجی ترقی اور دکھی انسانیت کی داد رسی کا ایک روشن استعارہ ہے۔ انہوں نے ہمیشہ اپنی قیادت، بصیرت اور مخلصانہ کاوشوں سے کلب کو نئی بلندیوں سے روشناس کرایا ہے۔
ان کی زیرِ نگرانی کیے جانے والے فلاحی منصوبوں نے نہ صرف مستحقین کی زندگیوں میں مثبت تبدیلیاں لائیں بلکہ نوجوانوں کو بھی معاشرتی فلاح و بہبود کے دھارے میں شامل ہونے کی ترغیب دی۔ تقریب میں شریک قائدین نے اعتراف کیا کہ احسن بختاوری جیسے مخلص رہنما کسی بھی تنظیم کا حقیقی اثاثہ ہوتے ہیں جن کا اوڑھنا بچھونا صرف اور صرف انسانیت کی خدمت ہے۔
جنرل باڈی اجلاس کی مقتدر شرکت اور نئی کابینہ کا اعلان
گزشتہ روز ہونے والے اس الیکٹیو اور تعارفی اجلاس میں پاسٹ ڈسٹرکٹ گورنر (پی ڈی جی) لائن ڈاکٹر حسن سروش اکرم، چارٹرڈ پریزیڈنٹ لائن احسن بختاوری، سبکدوش ہونے والے صدر اسلام آباد ڈی واٹسن لائنز کلب لائن ملک محسن خالد، سابق سیکریٹری لائن فیضان شہزاد اور ایم سی لائن محمد اویس ملک نے شرکت کی۔
اجلاس میں باقاعدہ طور پر نئی کابینہ کے ناموں کا اعلان کیا گیا جس کے مطابق:
صدر: لائن صدف عاصم عباسی
سیکریٹری: لائن شہباز مسیح
ٹریژرر اور ڈائریکٹر: لائن احسن بختاوری
فرسٹ وائس پریذیڈنٹ: ارحم احسن بختاوری
سیکنڈ وائس پریذیڈنٹ: محمد اویس ملک
ایل سی آئی ایف کوآرڈینیٹر: حارث بختاوری
مارکیٹنگ چیئرپرسن: ناصر محمود کلب
کلب سروس چیئرپرسن: جوہریہ اظہر
کلب ممبرشپ چیئرپرسن: ملک ندیم اختر
کلب ایڈمنسٹریٹر: ظفر بختاوری
اس کے علاوہ کلب میں نئے شامل ہونے والے معزز ممبران مقصود تابش، حماد کاظمی، ماجد شبیر، اقبال آنچن اور عمران رشید نے بھی شرکت کی اور تنظیم کا حصہ بننے پر مسرت کا اظہار کیا۔ اجلاس کے باقاعدہ آغاز پر سابق سیکریٹری لائن فیضان شہزاد نے گزشتہ سال کی فلاحی سرگرمیوں کا احاطہ کیا اور کلب کے واجبات و مالیاتی امور کی تفصیلی رپورٹ پیش کی جسے ہاؤس نے متفقہ طور پر منظور کیا۔
پی ڈی جی ڈاکٹر حسن سروش اکرم کا خصوصی خطاب: “لائنز کلب اخوت کی بہترین مثال ہے”
تقریب سے خصوصی خطاب کرتے ہوئے پاسٹ ڈسٹرکٹ گورنر لائن ڈاکٹر حسن سروش اکرم نے کہا کہ اسلام آباد ڈی واٹسن لائنز کلب ہمیشہ سے خدمت، اخوت، اور انسان دوستی کی ایک بہترین اور اعلیٰ ترین مثال رہا ہے۔ اس کلب کا ماضی گواہ ہے کہ جب بھی سوسائٹی کو ضرورت پڑی، اس کے ممبران نے بڑھ چڑھ کر حصہ لیا۔ انہوں نے نئی منتخب ہونے والی صدر صدف عاصم عباسی اور ان کی ٹیم کو مبارکباد دیتے ہوئے تاکید کی کہ:
”نئی قیادت کو چاہیے کہ وہ اس دیرینہ جذبۂ خدمت کو مزید مضبوط بناتے ہوئے معاشرے کے پسماندہ طبقات کی فلاح کے لیے اپنا مثبت اور مؤثر کردار ادا کرے، کیونکہ انسانیت کی خدمت ہی کائنات کا سب سے خوبصورت عمل ہے۔“
نوجوانوں اور کمیونٹی فلاح کے لیے مزید مؤثر سرگرمیاں ترتیب دیں گے: احسن بختاوری
اس موقع پر کلب کی سرگرمیوں اور آئندہ کے انقلابی منصوبہ جات پر تفصیلی بریفنگ دیتے ہوئے ڈائریکٹر لائن احسن بختاوری نے تمام شرکاء، معزز مہمانوں اور نئے ممبران کا شکریہ ادا کیا۔ انہوں نے اپنے خطاب میں کہا:
”ہماری اولین کوشش ہوگی کہ آنے والے دنوں میں نوجوانوں کی فلاح و بہبود، تعلیم اور کمیونٹی ہیلتھ کے لیے مزید مؤثر، جامع اور مثبت سرگرمیاں ترتیب دی جائیں تاکہ خدمت کا دائرہ کار وفاقی دارالحکومت کے دور دراز علاقوں تک وسیع کیا جا سکے۔ سابقہ عہدیداران کی خدمات بلاشبہ قابلِ تحسین ہیں جنہوں نے محنت سے اس کلب کو یہاں تک پہنچایا، اور مجھے اپنی نئی ٹیم سے پوری امید ہے کہ وہ اپنی دن رات کی محنت سے کلب کو ترقی اور کامیابی کی نئی منزلوں کی جانب لے کر جائے گی۔“
اتحاد، اخلاص اور ٹیم ورک ہی کلب کی اصل طاقت ہے: ملک محسن خالد
سبکدوش ہونے والے صدر لائن ملک محسن خالد نے نئی صدر صدف عاصم عباسی اور دیگر عہدیداران کو خوش آمدید کہتے ہوئے ان کے لیے نیک تمناؤں کا اظہار کیا۔ انہوں نے اپنے الوداعی کلمات میں کہا کہ لائنز کلب محض ایک تنظیم نہیں بلکہ خدمتِ انسانیت کا ایک عظیم اور مقدس پلیٹ فارم ہے۔ انہوں نے گزشتہ سال اپنے ساتھ تعاون کرنے پر پوری ٹیم کا شکریہ ادا کرتے ہوئے کہا کہ اتحاد، اخلاص اور ٹیم ورک ہی اس کلب کی اصل طاقت ہے، اور مجھے پورا یقین ہے کہ احسن بختاوری کی سرپرستی اور نئی ٹیم کے جوش و جذبے کے ساتھ یہ فلاحی سرگرمیاں مزید تیزی سے فروغ پائیں گی۔ تقریب کے اختتام پر سبکدوش ہونے والے عہدیداران کو اعزازی شیلڈز دی گئیں اور نئے ممبران کو کلب پنز لگائی گئیں۔
